Kedźbliwy wobchad čłowjeka z přirodu filmowali

wutora, 28. awgusta 2018
artikl hódnoćić
(0 )
Filmowy team z režiserom Thomasom Frickom (srjedźa) slědźeše w Njebjelčicach połdra dnja za trajnymi, do přichoda sahacymi projektami.  Foto: SN/Maćij Bulank Filmowy team z režiserom Thomasom Frickom (srjedźa) slědźeše w Njebjelčicach połdra dnja za trajnymi, do přichoda sahacymi projektami. Foto: SN/Maćij Bulank

Trajne předewzaća steja w srjedźišću filmowych projektow towarstwa Sukuma­ Arts. Dwaj dnjej je nětko team z režiserom Thomasom Frickom w Njebjelčicach nahrawał.

Njebjelčicy (SN/MiR). „Nas zajimuja wosoby, kotrež z přeswědčenja, ze zmuži­tosću a widom do přichoda sej trěbny pohlad za mjezy zwaža“, rozłožuje Anne Schuster z Drježdźanskeho towarstwa Su­kuma Arts, „chcemy zhonić wotmołwy ze wsow a městow na globalne pra­šenja. A tajke, toho smy sej wěsći, na­makamy w Njebjelčanskej gmejnje.“ Pod hesłom „Change by design not by desaster“ staji sej towarstwo lětsa stawizny wo hibanju w hospodarstwje do fokusa. „Při tym nas wosebje zajimuje, kak w gmejnach nimo zarjadnistwa puće kro­ča, kotrež su njewšědne.“ Z połdradnjowskeho nahrawanskeho materiala ma nastać třiminutowski pask, kotryž chcedźa w interneće pokazać a filmowym festiwalam za nominowanje poskićić. Zakład fil­­mo­weho projekta „Stories of Change“, kiž bu hižo wjackróć wuznamjenjeny a do kotrehož tež projekt Njebjelčicy słuša, je 17 zaměrow wo trajnosći, kotrež bě UNO w lěće 2015 wobzamknyła.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND