Mytowanaj zapal dale dawataj

štwórtk, 27. septembera 2018
artikl hódnoćić
(0 )
Slepjanska fararka Jadwiga Malinkowa je w Kamjenskej klóšterskej cyrkwi swjateje Hany lawreatomaj Myta Zejlerja gratulowała a so z nimaj rozmołwjała. Dieter Reddo a Juliana Kaulfürstowa (wotlěwa) přiještaj z rukow sakskeje statneje ministerki za wědo mosć a wuměłstwo dr. Eva-Maria Stange (SPD) lětuše Myto Zejlerja.  Foto: SN/Hanka Šěnec Slepjanska fararka Jadwiga Malinkowa je w Kamjenskej klóšterskej cyrkwi swjateje Hany lawreatomaj Myta Zejlerja gratulowała a so z nimaj rozmołwjała. Dieter Reddo a Juliana Kaulfürstowa (wotlěwa) přiještaj z rukow sakskeje statneje ministerki za wědo mosć a wuměłstwo dr. Eva-Maria Stange (SPD) lětuše Myto Zejlerja. Foto: SN/Hanka Šěnec

Lawdacija přełožerki Boženy Braumanoweje a muzejownicy Andreje Pawlikoweje lawreatomaj Zejlerjoweho myta 2018

„Mužakowskej góli pokazujo se wóteraz jeden tašk z rjanym pisanym pjerjom a zło­śaneju hopyšu a złośanyma šćidłoma … Dyž něchten jog huglěda, da ten změjo gluku.“

Waženi přitomni, mamoj česć, před­njesć lawdaciju za Serba a Serbowku, kiž njejstaj jenož Slepjanskej kónčinje złota hódnaj. Zawodny citat pochadźa z noweje zběrki „Slěpjańske ludowe powěsći“, na kotrejž staj wobaj pilnje sobu dźěłałoj. Našej dźensnišej lawreataj staj znataj kaž pisany ptačk. Staj połnaj za­horitosće za rjanu slepjansku narěč. Přinjesetaj zbožo wšudźe, hdźež sobu skutkujetaj. Na prěni pohlad so snadź njewšědna dwójka zdawataj: Dieter Reddo z Trjebinka – před 74 lětami w Slepjanskej kónčinje rodźeny a čas žiwjenja tam zakótwjeny, a poł tak stara 38lětna Ju­liana Kaulfürstowa, rodźena Budyšanka. Wona je do Slepjanskeho regiona hakle „přilećała“ a nětko z jednej nohu w Slepom a z druhej w Drježdźanach bydli.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND