Budyšin. Wo hišće młodym, před 70 lětami załoženym staće Israelu je předsyda Němsko-Israelskeho towarstwa w Drježdźanach Ralf Wilhelm na zarjadowanju Serbskeje Lěwicy minjenu póndźelu w Röhrscheidtowej bašće přednošował. Referent zhladowaše zdobom na kónc 19. lětstotka, hdźež zaručichu Židam w Němskej z rajchskej wustawu z lěta 1871 runostajenje. Židowstwo bě jeničce nabožina a tak priwatna naležnosć. Mnozy Židźa so asimilowachu. Doba zrodźi wuběrnych židowskich wědomostnikow, wobchodnikow a patriotow.