Prěni dypk za wolejbulowe hwězdźički a micki

póndźela, 01. oktobera 2018
artikl hódnoćić
(0 )
Scena z druheje domjaceje partije noweho wolejbuloweho Hrajneho zjednoćenstwa Pančicy-Worklecy, kotrež hraje nětko zhromad nje we wobwodnej lize.  Foto: Konstantin Hrjehor Scena z druheje domjaceje partije noweho wolejbuloweho Hrajneho zjednoćenstwa Pančicy-Worklecy, kotrež hraje nětko zhromad nje we wobwodnej lize. Foto: Konstantin Hrjehor

HZ Pančicy/Worklecy – JTVG Koblicy 1:3

(10:25, 17:25, 25:20, 24:26)

Nowowutworjene hrajne zjednoćenstwo Pančicy-Worklecy je w sportowej družinje wolejbul tydźenja prěni raz doma hrało, a to w Pančicach. Za zhromadny wustup je sej mustwo wjele předewzało, zo by sej prěnje dypki wudobyło.

W Pančičanskej sportowni so parket paleše a při saku so wo kóždy bul porjadnje wojowaše. Tola hižo prěnja sadźba přećiwo hosćom z Koblic pokaza, zo jenož předewzaće za dobyće njedosaha. Najkrótša hra dnja z jenož 15 mjeńšinami so z jasnym dobyćom 10:25 za Koblicy skónči. Za druhu sadźbu so mustwo hosćićelkow přestaji. Nětko hraješe wone po zwučenym a znatym wašnju. To přinjese mustwu měr a wěstotu.

Započatk druheje sadźby bě wuru­nany. Hwězdźički a Micki pak wěstotu konsekwentnje njewužiwachu a přez zwjeršne zmylki, kaž na přikład w nadaću, dypki kontrahentej darichu. Kónčny wuslědk druheje sadźby rěkaše tuž 17:25 za Koblicy.

wozjewjene w: Sport
Prošu přizjewće so, chceće-li komentar podać

Serbska debata

nowostki LND