Budyske myto do Frankfurta/Słubic poručenje

štwórtk, 15. nowembera 2018
artikl hódnoćić
(0 )
Michael Kurzwelly (2. wotl.) je z 2 500 eurami dotěrowane myto „DIE/KUNST/EUROPA“ z rukow wulkopósłanca Pólskeje Andrzeja Przyłębskeho (naprawo) přijał. Šek přepoda zastupjer města Budyšin André Wucht (2. wotpr.), lawdator bě Bernd Karwen (nalěwo). Z pjenjezami chce lawreat mobilnu instalaciju wutworić a tak „Słubfurt a Nowa Amerika“ zwonka Frankfurta n. W. prezentować. Foto: SN/Hanka Šěnec Michael Kurzwelly (2. wotl.) je z 2 500 eurami dotěrowane myto „DIE/KUNST/EUROPA“ z rukow wulkopósłanca Pólskeje Andrzeja Przyłębskeho (naprawo) přijał. Šek přepoda zastupjer města Budyšin André Wucht (2. wotpr.), lawdator bě Bernd Karwen (nalěwo). Z pjenjezami chce lawreat mobilnu instalaciju wutworić a tak „Słubfurt a Nowa Amerika“ zwonka Frankfurta n. W. prezentować. Foto: SN/Hanka Šěnec

Ze šibałym humorom za dobre susodstwo

Budyšin (SN/bn). We wobłuku swjedźenskeho zarjadowanja wčera w Budyskim Dźiwadle na hrodźe je wulkopósłanc Pólskeje prof. dr. Andrzej Przyłębski nawodźe projekta „Słubfurt a Nowa Amerika“ Michaelej Kurzwellyjej spěchowanske myto za wuměłstwo a socialny angažement města Budyšin „DIE/KUNST/EUROPA“ přepodał. „Jedna so wo nowe, jara zajimawe wuznamjenjenje a wjeselu so, je přepodać směć. Němsko-pólski dialog njeje samozrozumliwy. Poćah mjez krajomaj bě ze stawizniskeho wida často komplikowany a tež wojerski. Wotewrjene hranicy, to woznamjenja proces. Njedosaha, jenož kontrole wotstronić. Trjeba je zwólniwosć, mjez sobu dostojnje wobchadźeć. Nadźijam so, zo myto tomu česćepołnemu zaměrej polěkuje“, dr. Przyłębski w narěči wuzběhny.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND