Pěstuja wulkotnu zabawu poručenje

wutora, 08. januara 2019
artikl hódnoćić
(0 )
Brězanec Mikławš, Daniel a Michał, Stefan Handrik, Bjarnat Wałda, Jakub Brězan, Jan Jawork kaž tež Gabriel Wićaz a Stefan Brězan  (wotlěwa) mějachu wčera nawječor z kładźenjom špundowanja w stanje połnej ruce dźěła. Wšako wotměje so tam sobotu mjeztym 21. jolka-swjedźeń. Kaž kóžde lěto čakatej na hosći zaso přijomna nalada a lóštna serbska zabawa. Foto: Feliks Haza Brězanec Mikławš, Daniel a Michał, Stefan Handrik, Bjarnat Wałda, Jakub Brězan, Jan Jawork kaž tež Gabriel Wićaz a Stefan Brězan (wotlěwa) mějachu wčera nawječor z kładźenjom špundowanja w stanje połnej ruce dźěła. Wšako wotměje so tam sobotu mjeztym 21. jolka-swjedźeń. Kaž kóžde lěto čakatej na hosći zaso přijomna nalada a lóštna serbska zabawa. Foto: Feliks Haza

Na lětuši 21. jolka-swjedźeń derje přihotowani

Nuknica (SN/mwe). W Nukničanskej Brězanec bróžni wotměje so sobotu, 12. januara, lětuši, mjeztym 21. jolka-swjedźeń. Hłowny nawod přewšo woblubowaneho nadregionalneho serbskeho podawka ma znowa Michał „Černo“ Brězan. Wšako je wjace hač 50 Nukničanow, Prawočanow, Kopšinjanow a dalšich pomocnikow z wokolnych wsow kaž tež z Budyšina – žonow a muži – w starobje wot sydom lět hač k wuměnkarjej, do přihotow a přewjedźenja swjedźenja zapřijatych. „Móžemy započeć, přihoty su tak daloko zakónčene“, rjekny Michał Brězan sobotu připołdnju po stajenju stana při zachodźe do jolka-hale.

Moto 21. jolka-swjedźenja rěka „Klumpać na hrodźišću“. Wopytowarjo móža sej wěsći być, zo čaka na nich zaso lóštna zabawa ze spěwami, rejemi a skečemi. Tak je nawoda programa Michał Cyž hižo pilnje z jolka-chórom zwučował. Do toho pak su sej wjacori, kaž dirigent sam, spěwy wumyslili, zo bychu to abo tamne na žortne wašnje šwikali.

wozjewjene w: Kultura
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND