„Nimamy słowa za zrudobu“

wutora, 15. januara 2019
artikl hódnoćić
(0 )
Sta wobydlerjo su so wčera wječor spontanje před radnicu w sewjeropólskim Gdańsku zhromadźili, zo bychu ze swěčkami a kwětkami wo morjeneho měšćanostu Paweła Adamowicza žarowali. Tón bě popołdnju na sćěhi nadpada z nožom w cho rowni wudychał. Skućićel bě jeho njedźelu nadpadnył a wospjet do njeho kłół. Foto:  dpa/Jewgeni Zolotuchin Sta wobydlerjo su so wčera wječor spontanje před radnicu w sewjeropólskim Gdańsku zhromadźili, zo bychu ze swěčkami a kwětkami wo morjeneho měšćanostu Paweła Adamowicza žarowali. Tón bě popołdnju na sćěhi nadpada z nožom w cho rowni wudychał. Skućićel bě jeho njedźelu nadpadnył a wospjet do njeho kłół. Foto: dpa/Jewgeni Zolotuchin

Pólska žaruje wo měšćanostu Gdańska Pawela Adamowicza

Gdańsk (dpa/SN). Smjertny nadpad na měšćanostu Gdańska je w Pólskej njesměrny šok a hłuboku zrudobu zbudźił: Paweł Adamowicz je wčera popołdnju wudychał. 53lětny je w chorowni na sćěhi nadpada z nožom swojich ćežkich nutřkownych zranjenjow dla zemrěł, zdźěli minister za strowotnistwo Łukasz Szumowski pólskim medijam. Lěkarjo njemóžachu jeho najebać hodźiny trajacy bój wuchować. Statne rěčnistwo je mjeztym zdźěliło, zo přepytuje nětko morjenja dla.

Jako znamjo žarowanja zmawuja chorhoje w kraju połwysoko. Tójšto wobydlerjow je so spontanje před Gdańšćanskej radnicu zhromadźiło, zo bychu swěčki zaswěćili a kwětki połožili. Wobydlerjo su dospołnje zludani. „Nimamy słowa za swoju zrudobu“, jich medije cituja.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND