Hrě z aktualnym pozadkom wuznamjenjenej

wutora, 26. februara 2019
artikl hódnoćić
(0 )
Choćebužan Oliver Bukowski přija w Budyskim Dźiwadle na hrodźe hłowne myto wubědźowanja ŁUŽICY 2019. Foto: Carmen Schumann Choćebužan Oliver Bukowski přija w Budyskim Dźiwadle na hrodźe hłowne myto wubědźowanja ŁUŽICY 2019. Foto: Carmen Schumann

Budyšin (CS/SN). Druhi raz po lěće 2017 bu minjenu njedźelu dźiwadłowe myto ŁUŽICY we wobłuku rjada Němsko-Serbskeho ludoweho dźiwadła „Literatura dopołdnja“ spožčene. Prašane běchu hry, ko­trež so z Hornjej a Delnjej Łužicu roze­stajeja. Cyłkownje 21 awtorkow a awto­row bě ekspozeje zapodało. Dwaj z nich je jury wuzwoliła a wuznamjeni jej z hłownym resp. spěchowanskim mytom.

Hłowne myto zdoby sej Choćebužan Oliver Bukowski, kotrehož serbscy kaž tež němscy přihladowarjo mjez druhim přez we woběmaj rěčomaj w Budyšinje inscenowany kruch „Za brězami“ znaja. Intendant Noweho jewišća Zły Komorow Manuel Soubeyrand, kiž budźe režiser w měrcu 2020 w swojim domje plano­wa­neje prapremjery „Syn“, počesći Bukowskeho z lawdaciju a připowědźi Budy­šanam, zo jeho ansambl inscenaciju tež w sprjewinym měsće pokaza.

wozjewjene w: Kultura
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND