Proces morjenja dla zahajeny

póndźela, 18. měrca 2019
artikl hódnoćić
(0 )

Drježdźany (dpa/SN). Sydom měsacow po smjertnym nadpadźe z nožom w Kamjenicy je so dźensa na Drježdźanskim krajnym sudnistwje proces přećiwo jednomu z podhladneju zahajił. Ze Syriskeje pochadźacy wobskorženy dyrbi so morjenja dla zamołwić. Wón je 35lětny wopor w awgusće 2018 zhromadnje z dalšim podhladnym, kiž přeco hišće ćěka, pječa zakłół. Njeskutk bě w Kamjenicy přećiwo wukrajnikam měrjace so protesty a namócnosće zbudźił.

Brexit: Zaso wothłosować

London (dpa/SN). Britiske knježerstwo chcyše so dźensa k dalšemu wothłosowanju wo z Brüsselom wujednanym zrěčenju wo wustupje kraja z Europskeje unije wuprajić. Premierministerka Theresa May bě připowědźiła, najpozdźišo hač do srjedy wo zrěčenju w parlamenće wothłosować dać. Při tym dźe wo to, hač chcyła Wulka Britaniska Brüssel wo to prosyć, termin brexita přestorčić, zo móhli nadrobnosće zrjadować. W Brüsselu wšak na to kritisce zhladuja.

Knježerstwo zmylki přiznało

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND