Wuježčanske jutrowne spěwanje ma cyle swójsku atmosferu

štwórtk, 18. apryla 2019
artikl hódnoćić
(1 )
Za lětuše jutrowne spěwanje we Wuježku na Pawlikec statoku su minjene tydźenje Mato Krygaŕ, Eva Pawlikowa  a farar Thomas Haenchen (wotlěwa) hižo pilnje zwučowali.  Foto: Carmen Schumann Za lětuše jutrowne spěwanje we Wuježku na Pawlikec statoku su minjene tydźenje Mato Krygaŕ, Eva Pawlikowa a farar Thomas Haenchen (wotlěwa) hižo pilnje zwučowali. Foto: Carmen Schumann

Mjeztym wosmy raz přewjedu jutry rano­ we Wuježku pola Bukec zaso­ starodawny serbski nałožk jutrowne­ho spěwanja na tamnišim Pawlikec statoku.

Jutrowničku rano w šesćich zaklinča zwony na Bukečanskej cyrkwinej wěži. Druhdy je samo hač do Wuježka (Wuischke) słyšiš. W tym času su mjenujcy jutrowni spěwarjo w Bukečanskim wjesnym dźělu hižo dawno na nohomaj. Lěta 2012 su we Wuježku starodawny nałožk zaso wožiwili. Ze schadźenjom słónca swjeća tam zrowastanjenje Jezusa Chrystusa. Kaž je Wuježčan Mato Krygaŕ wuslědźił, běchu jutrowne spěwanje na dwěmaj wsomaj Bukečanskeje wosady hišće do 30tych lět minjeneho lětstotka pěstowali, w Žornosykach (Sornßig) a Čornjowje (Zschorna). Hižo rano w štyrjoch zanošowachu ludźo prěnje jutrowne kěrluše, po tym su skót picowali a do Bukec kemši šli. Po smjerći iniciatora Jana Awgusta Kerka je nałožk w Čornjowje zašoł.

wozjewjene w: Předźenak
Prošu přizjewće so, chceće-li komentar podać

Serbska debata

nowostki LND