„LandArt podłu Jaworskeje niwy 2019“ dotal najwjetši projekt Kamjenjaka
Njebjelčicy (SN/CoR). Nětko je tak daloko, zo nowy wulki projekt towarstwa Kamjenjak „Njebjesa – LandArt podłu Jaworskeje niwy 2019“ zaběži. Šěsć wuměłcow z Čěskeje, Pólskeje, Awstriskeje a Němskeje přijědźe jutře a njedźelu, zo bychu sej połoženje při rěčce Jawora wobhladali, konkretne ideje wuwili a rozsudźili, hač chcedźa so na zhromadnje z wjesnjanami Njebjelčic, Miłoćic a Serbskich Pazlic planowanej wuměłskej akciji wobdźělić.