Dźak za krasny folklorny kónc tydźenja

pjatk, 12. julija 2019
artikl hódnoćić
(0 )
Na lětušim wulkim swjedźenskim ćahu XIII. mjezynarodneho folklorneho festiwala su so po informacijach organizatorow wšitke kulturne cyłki wobdźělili. Tak měješe wšón ćah po Chrósćicach dołhosć něhdźe 1,2 kilometrow. To wšak njezadźiwa, wšako prezentowaše so tak cyłkownje něhdźe 700 sobuskutkowacych. Krute městno w swjedźenskim ćahu ma jako jedne ze sobu zarjadowacych ćělesow Smjerdźečanska rejwan ska skupina. A tam wjesela so jara nad bohatym dorostom, kotryž tam tuchwilu maja.SN/Hanka Šěnec Na lětušim wulkim swjedźenskim ćahu XIII. mjezynarodneho folklorneho festiwala su so po informacijach organizatorow wšitke kulturne cyłki wobdźělili. Tak měješe wšón ćah po Chrósćicach dołhosć něhdźe 1,2 kilometrow. To wšak njezadźiwa, wšako prezentowaše so tak cyłkownje něhdźe 700 sobuskutkowacych. Krute městno w swjedźenskim ćahu ma jako jedne ze sobu zarjadowacych ćělesow Smjerdźečanska rejwan ska skupina. A tam wjesela so jara nad bohatym dorostom, kotryž tam tuchwilu maja.SN/Hanka Šěnec

Organizatorojo a pomocnicy mnohim wuběrne hodźinki z pisanej swětowej kulturu zmóžnili

Wulkotny kónc tydźenja a mnohe krasne hodźiny ze serbskej a kulturu ze wšeho swěta leža za nami. Zawěsće zhladuje tón abo tamny na rjane dožiwjenja, kotrež je we wobłuku folklorneho festiwala w Budyšinje, Hochozy a Chrósćicach měł.

Mnohim wšak njeběchu tele štyri dny jenož hejsowanje, ale zdobom wotkryće kulturow druhich ludow a předewšěm štyri dny, na kotrychž su Serbja dopokazali, zo su swětej wotewrjeni a zo so z ludami swěta dorozumja, a to tež rěčnje. Program je so w běhu lět derje wuwił a nimale wot wšeho něšto wobsahuje. Tak maja nimo młodźiny ze swojim wječornym programom „Chróšćan specialita“ tež domoródne kulturne cyłki dobre móžnosće, so hosćom kaž tež sobuskutkowacym wukrajnych skupin předstajić.

wozjewjene w: Předźenak

Galerija

dalši wobraz (1) W Hochozy su domoródne a folklorne ansamble z wukraja, kaž tule hosćo z Pólskeje, na třoch statokach a na jewišću při cyrkwi swoje programy pokazali. Wosebje chwalachu sej hosćo spodobnu atmosferu. Foto: Michael Helbig
dalši wobraz (2) Mužojo Přezpólnych trjebachu hdys a hdys tež přestawku, zo bychu swoje hłosy trochu „wolijowali“.
dalši wobraz (3) Tež kulturne skupiny z Delnjeje Łužicy su na festiwalnym kóncu tydźenja w Hochozy kaž tež tule w Chrósćicach rady widźani hosćo a akterojo na jewišćach.
Prošu přizjewće so, chceće-li komentar podać

nawěšk

  • Jara awtentiske běchu poskićenja ansambla Zabava z Ruskeje.
  • Na zahajenju festiwala štwórtk w Budyskim NSLDź počesćichu přitomni Juraja Kubánku (3. wotprawa) z trójnej serbskej sławu.
  • Hosćo z Peruwa zbudźichu ze swojimi přewšo pisanymi kostimami tójšto zajima.
  • Pólski cyłk z Bolesławieca na štwórtkownym swjedźenskim ćahu k zahajenju festiwala "Łužica 2019" po Budyšinje
  • Algeričenjo na jewišću NSLDź
  • Rejwarjo z Boliwiskeje
  • XIII. mjezynarodny folklorny festiwal "Łužica 2019" je zahajeny. Tule namakaće impresije z prěnich wustupow wobdźělenych skupin. Tule předstajichu skupiny štwórtk dopołdnja w Němsko-Serbskim ludowym dźiwadle hižo raz dźěćom swoje poskićenja, na wobra
  • Rejwarki a rejwarjo Serbskeho folklorneho ansambla Wudowor su zdobom hosćićeljo festiwala.
  • Rejwarki a rejwarjo z pólskeho Bolesławieca
  • Zajim zbudźi tež skupina ze Sewjerneje Makedonskeje
  • Dalši hosćićeljo łužiskeho mjezynarodneho festiwala: Serbska rejwanska skupina Smjerdźaca z hudźbnikami folklorneje skupiny Sprjewjan
  • Překwapjenka běchu mnohim wuměłcy z Peruwa.
  • Prěni raz spožčichu lětsa zarjadowarjo mjezynarodneho folklorneho festiwala wosebite myto a diplom za wurjadny wuměłski wukon. Jón dósta słowakski ansambl Bobańovci za swoju přirodnosć, awtentiskosć a originalitu.
  • Rejwarjo algeriskeho cyłka Couleurs d‘ Algerie
  • Boliwiscy rejwarjo a rejwarki w kostimach na jewišću
  • Boliwičenjo "in action"
  • Sobotu wječor běchu po Chrósćicach mnozy nadróžni muzikanća po puću.
  • Pólski młodźinski orchester z Leśnicy zahaji sobotny wječor na farskim dworje.
  • Tójšto ludźi zhromadźi so na programy na jewišću při gmejnskim zarjedźe ...
  • ... a wobhlada sej poskićenja skupin.
  • Na Koklic statoku předstajichu so tež čłonojo skupiny Wotała. Wšitcy z nich su bywši rejwarjo Smjerdźečanskeje rejwanskeje skupiny.
  • Smjerdźečanscy rewjarjo na jewišću pola Koklic
  • Pohlad z jewišća na dwór Wjeselic statoka
  • Na Zahrodnikec-Grutekc statoku pokaza mjez druhim tež Slepjanski folklorny ansambl dźěle swojeho programa.
  • Tež Slepjanscy wuměłcy hižo zahe na dorost mysla.
  • Wšitcy sobuskutkowacy słowakskeho ansambla Bobańovci zamóža znajmjeńša jedyn instrument piskać, spěwać a rejwać.
  • Na Kralec statoku knježeše čiła atmosfera.
  • Schow před krótkim dešćom pytachu sej tež hosćo na Kilankec statoku pod wulkimi předešćnikami.
  • Pólscy hosćo z pokazku ze swojeho programa na Kilankec statoku
  • Wo tym, zo bě sej na lětuši festiwal sobotu a njedźelu do Chrósćic wjac hosći dojěło hač hewak, swědčachu kopate połne parkowanišća.
  • Kultura zwjazuje, kaž tule Smjerdźečanskej rejwarce a algeriskeho rejwarja.
  • Sčasami nimale přepjelnjeny bě Koklic statok.
  • Wudworscy při poslednich přihotach na sobotny wustup na farskim dworje.
  • Wudworscy na farskim dworje
  • Jewišćo při gmejnje bě stajnje derje wopytane.
  • Rjanolinki-rejwarki Smjerdźečanskeje rejwanskeje skupiny
  • Serbska reja je jewišću při gmejnje tójšto pasantow do rejki prosyła.
  • Lóze hólcy wječor na jewišću Zahrodnikec-Grutkec statoka
  • Kabaretna skupina Lózy hólcy pokazachu přitomnym we wobłuku programa "Chróšćan special" na Zahrodnikec-Grutkec statoku, zo njejsu w běhu lět ničo zabyli
  • Na Wjeselic statoku zahudźi skupina NIMO ...
  • ... band wokoło Brězanec bratrow Józefa a Jana.
  • Tež němska skupina Slapstickers pokaza, što zamóže.

nowostki LND