Produkcije załožby chcedźa načasnje spřistupnić
Budyšin (SN/CoR). Serbsku hudźbu móžeš sej na cejdejce abo w Serbskim rozhłosu naposkać, ju streamować pak dotal móžno njeje. Zo so to bórze změni, na tym dźěła wot minjeneho tydźenja Jakub Gruhl z Lipska jako projektowy sobudźěłaćer Załožby za serbski lud. „Po studijach ma 90 procentow młodych ludźi w starobje wot 14 lět smartphone a woni jón wužiwaja, zo bychu hudźbu přez streaming poskali. Wjeselu su, zo móžu tomu přinošować, načasny přistup k serbskej hudźbje tworić“, praji Jakub Gruhl, kiž sam hižo někotre lěta hudźbu produkuje a do interneta staja.