Wo čerstwy wětřik we Łužicy so starać

wutora, 24. septembera 2019
artikl hódnoćić
(0 )
Čerstwy wětřik je tež performance Marthe Howitz na hudźbu Jakuba Gruhla do wotewrjenja wustajeńcy SORBIAN STREET STYLE přenjesł.  Foto: SN/Maćij Bulank Čerstwy wětřik je tež performance Marthe Howitz na hudźbu Jakuba Gruhla do wotewrjenja wustajeńcy SORBIAN STREET STYLE přenjesł. Foto: SN/Maćij Bulank

Budyšin (SN/CoR). Žurla Budyskeho Serbskeho muzeja bě kopata połna, jako su minjenu njedźelu nowu wosebitu wustajeńcu „SORBIAN STREET STYLE“ wotewrěli. Mjez něhdźe 130 wopytowarjemi witaše direktorka muzeja Christina Boguszowa přirjadnicu Budyskeho krajneho rady Birgit Weber, direktora Załožby za serbski lud Jana Budarja a nawodu předsydstwa Ludoweje banki Drježdźany-Budyšin Tilmanna Römpa, prajo: „Smy přeswědčeni, zo móže wuwiće serbskeje a łužiskeje mody přez zakorjenjenje wšelakorych modelowych labelow tu we Łužicy wažne, identiće tyjace a do přichoda pokazowace być. Přeprošam was, so z nami zhromadnje z wjechlawku-darikom wo čerstwy wětřik tu we Łužicy starać!“ W přehladce pokazuja nimo dobyćerskich kolekcijow wubědźowanja SORBIAN STREET STYLE młodych designerow Leje Kelm, Christiany Dögel a Alexandera Gaertnera a Jana Lorenca modu hižo etablěrowanych designerow kaž Štefi­ Hanušoweje a naćiski šulerjow.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND