Nowy rjad SLA z wuspěšnej premjeru

štwórtk, 17. oktobera 2019
artikl hódnoćić
(0 )
Tuchwilu w Halle nad Solawu skutkowacy dźiwadźelnik Stanisław Brankačk čitaše tekst z romana Jurja Brězana „Stary nan“ zdźěla hrajo.  Foto: SN/Hanka Šěnec Tuchwilu w Halle nad Solawu skutkowacy dźiwadźelnik Stanisław Brankačk čitaše tekst z romana Jurja Brězana „Stary nan“ zdźěla hrajo. Foto: SN/Hanka Šěnec

Budyšin (SN/bn). Serbski ludowy ansambl je nowy rjad „Zynki a linki“ za­hajił. W srjedźišću zarjadowanjow stejitej literatura a hudźba serbskich wuměłcow, předstajenej wot instrumentalistow SLA kaž tež zwonka Łužicy skutkowacych serbskich dźiwadźelnikow. Wčerawšu premjeru na wupředatej žurli Budyskeje Röhrscheidtoweje bašty wuhotowachu znaty hrajer Stanisław Brankačk a dujerski kwintet Marie-Luise Fryčowa na fleće, Ralf Sarodnick na obowje, Tobias Witke na klarineće, Tereza Kratka na fagoće kaž tež Bernd Neffe na róžku.

Intendantka SLA Judith Kubicec wita hosći w bašće a rozłoži skrótka zakładnu mysličku noweho rjadu. „Telko rjanych knihow a tak mało časa za čitanje – z toho je wurostła ideja, literaturu raz na hinaše wašnje sposrědkować. Nastupajo teksty wobrubjacu hudźbu sym sej skerje rědka hrate kompozicije serbskich komponistow za komorne wobsadki wupytała“, intendantka rjekny.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND