Hłowne myto debitantkomaj poručenje

wutora, 05. nowembera 2019
artikl hódnoćić
(0 )
Jednaćelka kina „Weltspiegel“ Kerstin Adam (nalěwo) a sponsor Rocco Schmidt (naprawo) přepodaštaj pod sylnym přikleskom něhdźe 450 přitomnych Sofiji Cyžec a Luizy Nawkec (srjedźa wotlěwa) hłowne myto lětušeje 17. łužiskeje filmoweje přehladki za produkciju „Smy“. Pask wěnuje so, pjeć protagonistow portretujo, prašenju,serbskeje identity. Foto: Michael Helbig Jednaćelka kina „Weltspiegel“ Kerstin Adam (nalěwo) a sponsor Rocco Schmidt (naprawo) přepodaštaj pod sylnym přikleskom něhdźe 450 přitomnych Sofiji Cyžec a Luizy Nawkec (srjedźa wotlěwa) hłowne myto lětušeje 17. łužiskeje filmoweje přehladki za produkciju „Smy“. Pask wěnuje so, pjeć protagonistow portretujo, prašenju,serbskeje identity. Foto: Michael Helbig

Serbske wobsahi na Łužiskej filmowej přehladce wuznamjenjene

Choćebuz (SN/bn). „Smy“ rěka krótkofilm, kotremuž přiznachu z 1 500 eurami dotěrowane hłowne myto 17. łužiskeje filmoweje přehladki. Produkcija młodeju serbskeju filmowčow Luizy Nawkec a Sofije Cyžec, kotrejž stej film wčera prapremjernje w nimale wupředatym Choćebuskim kinje „Weltspiegel“ pokazałoj, zaběra so na dokumentariske wašnje z prašenjom, što je serbstwo a kajku rólu hraja w tym zwisku rěč, nabožina a nałožki. „Hnujacy, awtentiski a z lochkej nohu: ‚Smy‘ zahorja z generacije přesahowacym prašenjom za serbskej identitu. Je kedźbyhódne, kak młodźina – hdyž tež na swoje wašnje – tradicije haji“, jury swój rozsud wopodstatni. Tež wosebite myto Załožby za serbski lud w hódnoće 1 000 eurow přizwolichu prapremjerje. „Źiwa žeńska“ je eksperimentalna interpretacija łužiskeje baje, zwoprawdźeneje wot wuměłče Helle Stoletzki. „Poetisce zbliža so film starej serbskej powěsći a tak k tomu pohnuwa, zmužiće nowy wid sej zwěrić“, jury podšmórny.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND