Na Institutnym dnju tež projekt předčitanskeje funkcije předstajili
Budyšin (SN/CoR). Derje pjelnjena bě pjatk popołdnju žurla Budyskeho Serbskeho domu, hdźež je Serbski institut zjawnosći štyri wuzwolene projekty swojeje dźěławosće na Institutnym dnju předstajił. Po witanju direktora dr. Hauki Bartelsa podšmórny Budyski měšćanosta Robert Böhmer w swojich postrownych słowach wuznam serbskeho slědźenišća za sprjewine město. „Serbski institut je wažny za naše město, dokelž je tu prezentny a zwjazuje nas z partnerami w kraju a wukraju.“