Wjesne kino prosće činić poručenje

štwórtk, 09. januara 2020
artikl hódnoćić
(0 )
Jenož 500 ludźi bydli w gmejnje Kratzeburg na juhu Mecklenburgsko-Předpomorskeje, swójske kino w bróžni pak tam maja. Zmóžnił je to projekt „Wjesne kino prosće činić“, na kotrymž so mjeztym 150 hrajnišćow wobdźěla.  Foto: Jens-Hagen Schwadt Jenož 500 ludźi bydli w gmejnje Kratzeburg na juhu Mecklenburgsko-Předpomorskeje, swójske kino w bróžni pak tam maja. Zmóžnił je to projekt „Wjesne kino prosće činić“, na kotrymž so mjeztym 150 hrajnišćow wobdźěla. Foto: Jens-Hagen Schwadt

Projekt Filmoweho kluba Güstrow chce tež serbske filmy zapřijeć

Güstrow (SN/CoR). Štóž na wsy bydli a sej rady kinowe filmy wobhladuje, ma do města jězdźić – poprawom. Iniciatiwa z Mecklenburgsko-Předpomorskeje hižo něšto lět na tym dźěła, zo so to změni. Kwalitatiwne hrajne filmy na wsy po­ka­zać a widźeć móc je hłowny zaměr projekta „Wjesne kino prosće činić“, kotryž je 1990 załožene towarstwo Fil­mowy klub Güstrow zahajiło. Wjace hač 150 hrajnišćow – wjesne korčmy, młodźinske kluby, gmejnske zetkanišća, socialne a kulturne towarstwa atd. – so mjeztym wobdźěla, najwjace w najsewjernišim kraju republiki. A projekt so dźeń a bóle roz­šěrja, nam najbliše a zdobom najnowše wobdźělace so towarstwo je Kultur.Werkstatt B26 w Lubiju. Zajim je tak wulki, zo wutworichu internetnu platformu z datowej banku, kotruž spěchuje Kulturna załožba Zwjazka z fondsom za nowe kraje, tak zo organizacija nimale awtomatisce wotběži.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND