Dwójce maksimum dypkow na hudźbnym wurisanju

wutora, 04. februara 2020
artikl hódnoćić
(0 )
Na derje wopytanym mytowanskim koncerće rjadu „Młodźina hudźi“ zamóchu młodźi wuměłcy – tu Viann Stübner – publikum zahorić.  Foto: Silke Richter Na derje wopytanym mytowanskim koncerće rjadu „Młodźina hudźi“ zamóchu młodźi wuměłcy – tu Viann Stübner – publikum zahorić. Foto: Silke Richter

Wojerecy (SiR/SN). Regionalne wubě­dźo­wanje „Młodźina hudźi“ je zakónčene. Z dohromady 123 wobdźělnikow w cyłkownje sydom kategorijach je 67 prěnje městno wobsadźiło, kwalifikowacych so za sakske krajne wurisanje kónc měrca w Zwickauwje. Maksimalnje móžnych 25 dypkow zdobyštaj sej smyčkowe duwo Annika Jannasch a Nicole Schwaar z Wopakeje resp. Noweho Jiwowa (Neu­eibau) kaž tež spěwar Fabian Schulze z Wojerec. Bratromaj Valentinej a Adrianej Simon z Pančic-Kukowa přizna jury 24 dypkow za klawěrnej soli.

Wubědźowanje or­ga­nizowace towarstwo Młodźina hudźi je minjenu sobotu tradicionalny mytowanski koncert w awli Wojerowskeho Lessingoweho gym­na­zija wuhotowało. „Lěpšeho městna za to­ njebychmy nańć móhli“, wuzběh­ny před­syda towarstwa Dietmar Wolf. Wšako­ „ambicioněrowany, talentowany hudźbny dorost kubłanišćo z jeho specielnym muziskim profilowym poskitkom jara lubuje. Talent samy přiwšěm njedosaha – trěbne su předewšěm pilnosć, disciplina a wutrajnosć.“

wozjewjene w: Kultura
wjace z tohole wobłuka: « Porjedźenka « Wo Łužicy
Prošu přizjewće so, chceće-li komentar podać

Serbska debata

nowostki LND