Štwórć lětstotka na dobro tradicije

pjatk, 12. junija 2020
artikl hódnoćić
(0 )
„Swačina na pólnej mjezy“ mjenuje Serbska drastowa skupina Židźino swjedźeń, kotryž je towarstwu kóždolětny wjeršk. Lětsa wšak njejsu zarjadowanje wuhotować móhli – ćim bóle wjesela so na nachwatanje 25. róčnicy klětu. „Swačina na pólnej mjezy“ mjenuje Serbska drastowa skupina Židźino swjedźeń, kotryž je towarstwu kóždolětny wjeršk. Lětsa wšak njejsu zarjadowanje wuhotować móhli – ćim bóle wjesela so na nachwatanje 25. róčnicy klětu.

Serbska drastowa skupina Židźino swjeći slěborny jubilej – tuchwilnych wobstejnosćow dla pak hakle klětu

Po Božej słužbje šwarne rańše piwko a dujerska hudźba, dobre­ serbske chłóšćenki, zabawna bjesada, wustajeńca­prezentacija tradicionelneho rjemjesła, wječor reje a stajnje prezentna serbska narodna drasta – wšo to słuša k swjedźenjej „Swačina na pólnej mjezy“, kóždolětnemu wjerškej towar­stwa Serbska drastowa skupina Židźino. A wšo to je lětsa­ wupadnyło. Přičina su, kaž nikoho wjace njedźiwa, korona­wirus a naprawy přećiwo njemu. Ćim bóle zrudźa, zo chcyše towarstwo z woblubowanym zarjadowanjom zdobom swoje 25. narodniny swjećić.

„Pod tuchwilnymi wobstejnosćemi a hladajo na trěbne wěstotne a hygieniske napra­wy njejsmy swjedźeń lětsa prosće zwoprawdźić móhli“, předsyda drastoweje skupiny Uwe Schuster podšmórnje.

wozjewjene w: Předźenak

Galerija

dalši wobraz (1) Bjez dobreho přikuska – so wě z regionalneje kuchnje – njeby „Swačina na pólnej mjezy“ dospołna była. Wo wotpowědny poskitk so sobustawojo zarjadowaceho towar stwa sami staraja, a to nic hakle wot lěta 2016, jako bu tele foto „třělene“.
dalši wobraz (2) Dorost spěchować je towarstwu runje tak wažne kaž nałožki hajić. Program dźě ćaceje rejwanskeje skupiny je so minjene lěta na kruty wobstatk wustupow cyłka wuwił, kaž tu na pólnym swjedźenju 2019.
dalši wobraz (3) Ze zhromadnej rejku čłonojo towarstwa a publikum swjedźeń po zwučenym wašnju zakónčeja – tu impresija z lěta 2016.Ulrike Herzger
Prošu přizjewće so, chceće-li komentar podać

Serbska debata

nowostki LND