Překrasny wid ze Zdźarja na Budyšin

pjatk, 31. julija 2020
artikl hódnoćić
(0 )
Pućujo wokoło Zdźarja nadeńdźeš idyliske blečki, a to z wukotnym wuhladom na łužiski hórski kraj a Budyšin. Maćij Bulank Pućujo wokoło Zdźarja nadeńdźeš idyliske blečki, a to z wukotnym wuhladom na łužiski hórski kraj a Budyšin. Maćij Bulank

Jurackec mandźelskaj přewostajitaj swój wulětny lokal „Rjany wuhlad“ synej – potom w štwórtej generaciji

Někotryžkuli starši Budyšan wě so dopomnić, zo bě jako młodźenc z towaršemi z města do něhdźe dźesać kilometrow zdaleneho Zdźarja (Sora) na reje nóžkował, so tam w hórskim hosćencu derje najědł a napił a so po zabawje zaso na dompuć nastajił. Tež dźensa wobhospodarjeja Jurackecy wulětny lokal, kiž rěka přeco hišće „Rjany wuhlad“. Po najprjedy přetratej krizy korony dla pućowacy skónčnje zaso do hosćenca zało­žeja a tam přewšo rady přebywaja.

Hač w lěću abo zymje, nalěto abo nazy­mu – mała a šarmantna wjes Zdźar skići překrasne krajiny, južnje města nad Sprjewju a wokoło Wjelećina. Wšako je napohlad na Budyšin spektakularny a mnozy z města a wokoliny wužiwaja přeco zaso rady přiležnosć, z něhdźe 460 metrow wysokeje hórki chowanje słónca dožiwić.

wozjewjene w: Předźenak

Galerija

dalši wobraz (1) Tale tafla podawa zajimawe informacije, na kotre łužiske hórki móže so pućowar podać, kak zdalene a wysoke wone su.
dalši wobraz (2) Hižo lěta wobhospodarjataj Jurackec mandźelskaj Karin a Andreas wob lubowany wulětny lokal z pensiju „Rjany wuhlad“, kotryž syn přewozmje.
dalši wobraz (3) Za lěpšu orientaciju, dokal pućowanske šćežki ze Zdźarja wjedu, su tafličkowy zdónk stajili.
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND