SLA chce dale prezentny być poručenje

póndźela, 26. oktobera 2020
artikl hódnoćić
(0 )
Pod nawodom intendantki Serbskeho ludoweho ansambla Judith Kubicec (srjedźa) je smyčkowy orchester domu wčera popołdnju na žurli Njeswačanskeho hosćenca twórby Jana Rawpa, Jana Arnošta Frajšlaga, Artura Immischa a dalšich komponistow zanjesł. Jako solistaj wustupištaj tenor Mikołaj Walerych (naprawo) a hudźbnik Ralf Sarodnik (oboa). Přichodne zarjadowanje SLA budźe baletny wječor „W stwičce“ přichodnu sobotu w 19.30 hodź. w Budyskim Dźiwadle na hrodźe. Foto:  Feliks Haza Pod nawodom intendantki Serbskeho ludoweho ansambla Judith Kubicec (srjedźa) je smyčkowy orchester domu wčera popołdnju na žurli Njeswačanskeho hosćenca twórby Jana Rawpa, Jana Arnošta Frajšlaga, Artura Immischa a dalšich komponistow zanjesł. Jako solistaj wustupištaj tenor Mikołaj Walerych (naprawo) a hudźbnik Ralf Sarodnik (oboa). Přichodne zarjadowanje SLA budźe baletny wječor „W stwičce“ přichodnu sobotu w 19.30 hodź. w Budyskim Dźiwadle na hrodźe. Foto: Feliks Haza

Diana Wagnerec: Tradicije kaž ptači kwas na kóždy pad zachować

Budyšin (SN/mwe). Serbski ludowy ansambl přihotuje so tuchwilu po datych móžnosćach korony dla zaměrnje na klětuši dźěćacy a wječorny ptači kwas. Libreto za wječorny ptači kwas je dźiwadźelnik NSLDź Tomaš Cyž sčasom na­pisał a wón ma tež režiju programa na starosći. „Proby smy z wotpowědnym a trěbnym wotstawkom akterow a na zakładźe zdźěłaneho hygienoweho koncepta zahajili, tak zo su wuměłcy kruch hižo w hrubym přeńć móhli“, jednaćelka SLA Diana Wagnerec našemu wje­čor­ni­kej rozprawja. Nimo wuměłskich přihotow je dźě w tuchwilu napjatej a nje­wě­stej situaciji za wjednistwo domu sobu to najwažniše, na kotrych žurlach a w kotrej formje so woblu­bowane a tradi­cionalne zarja­do­wanje přichodnje scyła přewjesć hodźi. Wšako je tež hižo kapała za někotre wječorne terminy po programje skazana, ale hač budu reje scyła móžne, njeje dźensa hišće jasne. „Štož sy sej derje přemyslił, dyrbiš nazajtra snano hižo zaso zaćisnyć“, jednaćelka starosće wšitkich na přihotach zarjadowanjow ansambla wobdźělenych wopisuje.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND