Po štyrilětnym přetwarje su wčera Choćebuski Serbski muzej zaso wotewrěli.

Choćebuz (HA/SN). Wot wčerawšeje wutory móža zajimcy zaso do Choćebuskeho Serbskeho muzeja załožić. Po tym zo bu wón w juniju lěta 1994 wotewrjeny, su jón wosrjedź lěta 2016 zaso začinili. Wšitcy wšak běchu sej tehdy přezjedni, zo je načasu muzej dospołnje wobnowić a modernizować a zestajeć nowu stajnu wustajeńcu. Wobšěrne wobnowjenske dźěła su dlěje hač štyri lěta trali. Nałožili su za to wjac hač milion eurow, při čimž zaručichu financowanje Załožba za serbski lud, město Choćebuz a Nalutowarnja Sprjewja-Nysa. Połojcu sumy su wudali za wobšěrne twarske a rjemjeslniske dźěła, zbytk wužiwachu za wuhotowanje noweje wustajeńcy pod hesłom „Dołhož serbstwo wobsteji“.