Njewšědnje krótka sezona

póndźela, 23. nowembera 2020
artikl hódnoćić
(0 )
Sydom razow je stara koparska garda Sokoła Ralbicy/Hórki lětsa tola hišće hrać móhła, byrnjež sezona 2020 we wólnočasnej lize kompletnje wotprajena była. A sydom razow steješe za delanskich koparjow Markus Žur (druhi wotlěwa, Ralbicy) na hrajnišću.  Foto: Jörg Stephan Sydom razow je stara koparska garda Sokoła Ralbicy/Hórki lětsa tola hišće hrać móhła, byrnjež sezona 2020 we wólnočasnej lize kompletnje wotprajena była. A sydom razow steješe za delanskich koparjow Markus Žur (druhi wotlěwa, Ralbicy) na hrajnišću. Foto: Jörg Stephan

Spočatk měrca 2020 běše koparski swět hišće w porjadku. Tak tež stari knježa Sokoła Ralbicy/Hórki z toho wuchadźachu, zo so jich winowatostne hry 14. měrca z pokalnej hru zahaja. Zo bychu prawje­ přihotowani byli, zetkachu so ­tydźeń do toho na kumštnym trawniku w Hnašecach z tamnišim mustwom, kotrež dotal hišće ženje přećiwo Sokołej nastupiło njebě. Delanscy koparjo hru tehdy 8:1 za sebje rozsudźichu.

Po tym pak přińdźe prěni lockdown a z nim­ wulka njewěstosć. 13. meje Za­pa­dołužiski koparski zwjazk rozsudźi, sezo­nu kaž tež pokalne koło njepřewjesć. Kajka to zrudźaca powěsć. Traješe hač do kónca meje, prjedy hač Sokoljo znajmjeń­ša zaso trenować započachu. W zdźělence koparskeho zwjazka z 11. ju­nija běše pod wěstymi hygienowymi napra­wami zaso dowolene přećelske hry přewjesć. Tola přećiwo komu? Wólno­časne mustwa mějachu swoje hrajne terminy dawno zaplanowane. Organizować partije přećiwo znatym cyłkam z ligi so tohorunja jako jara ćežke wopokaza.

wozjewjene w: Sport
Prošu přizjewće so, chceće-li komentar podać

słowo lěta 2020

nawěšk

SERBSKE NOWINY podpěruja:

Novi Sad – kulturna stolica Europy

nowostki LND