SN a LND zahajeja zjawnu wothłosowansku akciju

Budyšin (SN/CoR). „Hornjoserbske słowo lěta 2020“ rěka wothłosowanska online-akcija Serbskich Nowin a Ludoweho nakładnistwa Domowina, kotruž dźensa zahajamy. Namołwjamy ludźi, sej mjez dźesać namjetowanymi nowotwórbami abo wozrodźenymi staršimi wopřijećemi swojeho faworita wuzwolić. Wothłosować móžeće wot dźensnišeho hač do 29. decembra. Dźeń do silwestra wozjewimy wuslědk potom w našim wječorniku.