Europska komisija so ze swojim rozsudom wo politiski skandal postarała
Brüssel/Flensburg/Budyšin (SN/JaW). Europska komisija njewidźi žanu přičinu, nowe prawniske rjadowanje za škit narodnych a rěčnych mjeńšin na zakładźe žadanjow europskeje wobydlerskeje iniciatiwy Minority SafePack (MSPI) postajić. To je gremij minjeny štwórtk rozsudźił a pjatk pod https://ec.europa.eu/transparency/regdoc/rep/3/2021/DE/C-2021-171-F1-DE-MAIN-PART-1.PDF wozjewił. Po měnjenju komisije njejsu za dźewjeć zapodatych dypkow „žane přidatne prawniske akty trěbne“. Swój rozsud je z analyzu namjetow a z podaćom dotal płaćiwych rjadowanjow na cyłkownje 25 stronach wopodstatniła. Předewšěm skedźbni komisija na Chartu zakładnych prawow a specifiskich iniciatiwow, kotraž prawa mjeńšin zaruča.
