Schrift vergrößern
Berlinska podzemska linija U5 je rozšerjena. Wot spočatka decembra jězdźi wona nětko mjez Alexanderowym naměstom a Hłownym dwórnišćom a ma pjeć nowych stacijow, mjez druhim Pod lipami. Tak maja hosćo kaž domoródni hišće lěpši přistup k wjacorym wuznamnym muzejam a historiskim městnosćam w němskej stolicy. Helmut Schippel
Hornjołužičan lubuje zawěsće swoju emocionalnu stolicu Budyšin. Oficialna němska je Berlin. A tale metropola nad Sprjewju měješe loni tři wjerški z přepodaćom objektow z wulkim kulturnym a zjawnym wuznamom.
Na staciji linije U5 Braniborske wrota spřistupnjeja pućowacym na wulkich nasćěnowych taflach stawizny Berlinskeje murje hač k jeje powalenju.
Architektoniska wosebitosć na nowej staciji linije U5 Čerwjena radnica su běłe sćežory, dopominace na hriby.
