Projekt transcribathon namołwja Łužičanow so wobdźělić

Budyšin (SN/CoR). „Powědajće swoje stawizny! Dźělće swoje dźěłowe a swójbne stawizny a fota objektow, listy a dalše rukopisne dokumenty. To móhli na přikład brigadowe dźeniki a zawodne wupokazy Wašich staršich, dźeniki a noticowe zešiwki dźěda abo tež lětaki stawka być. Tak nastanje digitalny archiw sakskeje industrijneje kultury jako dźěl projekta Europeana Europe-at-Work“. Tak wobydlerjow tučasnje w interneće namołwjeja, so na projekće „transcribathon“ wobdźělić.