Wšitko hinak po lockdownje

štwórtk, 25. februara 2021
artikl hódnoćić
(0 )
Kornel Kolembus a Yuliya Kasyan čakataj na lěpše časy, zo móžetaj z rejwarjemi a rejwarkami Wudworskeho folklorneho ansambla zaso trenować.  Foto: SN/Hanka Šěnec Kornel Kolembus a Yuliya Kasyan čakataj na lěpše časy, zo móžetaj z rejwarjemi a rejwarkami Wudworskeho folklorneho ansambla zaso trenować. Foto: SN/Hanka Šěnec

Serbski folklorny ansambl Wudwor ma hižo přez lěta wustojneho wuměłskeho nawodu Kornela Kolembusa. Milenka Rječcyna je so z choreografom, rejwarjom a rejwanskim wučerjom rozmołwjała.

Móžeće rejwarjam a rejwarkam Wudworskeho ansambla (SFAW) tuchwilu scyła někajki trening poskićić, snadź digitalnje?

K. Kolembus: Smój z mandźelskej, kotraž ze mnu zhromadnje Wudworčanow trenuje wo tym rozmyslowałoj, ale so přećiwo zwučowanju z pomocu widejow rozsudźiłoj. Přičina toho je zawěsćenje. Štó zaruča chorobny pjenjez, hdyž rejwarki a rejwarjo doma trenuja a so při tym zranja?

Kotre pokiwy dawaće čłonam, zo bychu w treningu wostali?

K. Kolembus: Wěm, zo woni wěste zwučowanja sami činja. Poručam pak jim, tež wjele so wonka hibać, trochu běhać abo ... drjewo kałać. To spožča wutrajnosć a myški.

Poprawom chcychu Wudworčenjo loni 40. jubilej wobstaća swojeho ansambla woswjećić. Kajke su aktualne plany?

K. Kolembus: Loni njejsmy swjećić móhli a lětsa njebudźemy swjećić, ale orientujemy so na lěćo 2022. Hač tomu potom tak budźe, pokaza wuwiće koronapandemije.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND