Tři dypki po wulkim třepotanju

štwórtk, 04. měrca 2021
artikl hódnoćić
(0 )
Ondřej Poživil ma hižo přez cyłu sezonu jako škitar Łužiskich lodohokejowych liškow tójšto dźěła. Tež w zašłymaj hromaj dyrbješe Čech wosebje w kónčnej fazy wšo dać.  Foto: Thomas Heide Ondřej Poživil ma hižo přez cyłu sezonu jako škitar Łužiskich lodohokejowych liškow tójšto dźěła. Tež w zašłymaj hromaj dyrbješe Čech wosebje w kónčnej fazy wšo dać. Foto: Thomas Heide

EC Bad Nauheim – Łužiske liški Běła Woda 2:3 (1:0, 0:3, 1:0)

Dwaj dnjej po wulkotnym domjacym dobyću 4:3 přećiwo Lawam z Frankfurta nad Mohanom podachu so Běłowodźanscy lodohokejisća do Hessenskeho Bad Nauheima. Tónkróć steješe youngster Tobias Ančička we wrotach Łužičanow a je swój nadawk jara derje zmištrował.

Zaso jónu pak Łužiske Liški chětro špatnje startowachu. Po njeradźenej přihrawce Stephane Döringa steješe hižo po 74 sekundach 1:0 za hosćićela. Dalše wrota w prěnjej třećinje padnyć nochcychu, tež hdyž bě na woběmaj bokomaj dosć šansow.

W srjedźnej třećinje trjebachu hosćo najebać wjacore składnosće wosom mjeńšin, zo bychu skónčnje wurunali. Brad Ross posłuži Rylana Schwartza, a tón trjechi k 1:1. Hornjołužičenjo wukonjachu dale wulki ćišć, a jenož 50 sekundow po jich prěnich wrotach klinkaše druhi raz we wrotach Bad Nauheima. Tónraz bě Luis Rentsch třělc. Hnydom na to dósta­chu domjacy penalty bića z kijom dla. Wurjadny wrotar Ančička pak jón parě­rowaše. Wšitko wupadaše za snadnym předskokom k druhej přestawce, ale 0,8 (!) sekundow do sireny zwyši Andrew Clark na 1:3.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Pnačičanski procesion - Die Panschwitzer Prozession.
  • Kulowscy křižerjo - Die Witticheunauer Kreuzreiter.
  • Njebjelčanscy křižerjo – Die Nebelschützer Verkündigungsprozession.
  • Chróšćanski křižerski procesion - Die Crostwitzer Osterreiter.
  • Baćonscy křižerjo - Osterreiter in Storcha
  • Ralbičanscy křižerjo - Die Ralbitzer Osterprozession.
  • Baćonscy křižerjo - Osterreiter in Storcha

nowostki LND