„Sotra“ sady chětře z našeje maćeršćiny do němčiny přenjese a nawopak
Budyšin (SN/at). Digitalizacija serbskeje rěče je wčera wulki krok doprědka činiła. Załožba za serbski lud a Rěčny centrum WITAJ (RCW) předstajištej prěni online přełožowanski program hornjoserbsce–němsce a němsce–hornjoserbsce „Sotra“ we wobłuku Zoom-konferency. Program přełožuje spisane sady wot jedneje do tamneje rěče na zakładźe mašinelneho wuknjenja a wužiwa za to připóznatu software za neuronalne přełožowanje.