Pućowansku wustajeńcu Serbskeho instituta předstajili
Budyšin (SN/CoR). Na prěnjej internetnej nowinarskej rozmołwje je Serbski institut (SI) wčera žurnalistam swoju nowu pućowansku wustajeńcu „Swoboda kiwa! Serbja a mjeńšinowe prašenje po 1918“ w němskej rěči předstajił. „Wjeselu so, zo je so institut na nas wobroćił. Poprawom bychmy přehladku dźensa w našim domje wotewrěli. Hdy budźe to móžno, njemóžu bohužel prajić“, rjekny direktorka Budyskeho Serbskeho muzeja Christina Boguszowa.