Berlin (dpa/SN). Cyłoněmska sydom-dnjowska incidenca bliži so při dale woteběracej ličbje infekcijow z koronawirusom nětko hódnoće sto. Po informacijach Roberta Kochoweho instituta wučinješe wona dźensa hišće 107,8 (wčera 115,4 minjenu srjedu 132,8). Połojca zwjazkowych krajow leži w koronapandemiji mjeztym pod sto. Nad tym su hišće Posaarska (105), Bayerska (107), Sakska (144) a Durinska (168).

Žada sej wjace za škit klimy

Berlin (dpa/SN). Kanclerska kandidatka Zelenych Annalena Baerbock kritizuje naćisk knježerstwa za změnjeny zakoń wo škiće klimy a žada sej wjace inwesticijow na dobro klimy. W kanclerskim zarjedźe měł so hnydomny program za škit klimy zdźěłać. Z nim njeměli jeno zaměry postajić, ale zdobom rozłožić, kak měli je docpěć, zwurazni Baerbock dźensa w telewiziji ARD. Zwjazkowe knježerstwo chcyše dźensa nowe klimoškitne zaměry schwalić.

Scholz kritizuje kolegow