Treningowe polo ma nětko wjace swěcy a přetrjebuje mjenje miliny

srjeda, 02. junija 2021
artikl hódnoćić
(0 )
Wiceprezident FSV Budissy Budyšin Sven Johne, jednaćel zawoda Hentschke Bau a hłowny sponsor towarstwa Jörg Drews a Budyski měšćanosta za financy a sport dr. Robert Böhmer (wotlěwa)  Foto: Budissa Budyšin/Robert Steinbach Wiceprezident FSV Budissy Budyšin Sven Johne, jednaćel zawoda Hentschke Bau a hłowny sponsor towarstwa Jörg Drews a Budyski měšćanosta za financy a sport dr. Robert Böhmer (wotlěwa) Foto: Budissa Budyšin/Robert Steinbach

Loni je město Budyšin spěchowanje sporta z 30 000 eurami podpěrało. 10 000 eurow dósta MSV Budyšin 04 za při­twar a wuhotowanje funkciskeho twarjenja w sportowym parku. Nad runje­ telko pjenjezami móžachu so pola­ Pósta Germanije Budyšina wjese­lić a zatwarichu krjepjensku připrawu na trawniku. Dalše 10 000 eurow dósta Budissa Budyšin za přetwar wobswětlenja na trawniku při bróžni na LED. Wšitke twarske naprawy su mjeztym zakónčene.

FSV Budissa Budyšin wobhospodarja w Humboldtowym haju swójski koparski sportowy centrum. Z wjacorymi trawnikami, mjez nimi jednym kumštnym, z připrawu za streetsoccer, z třomi teniso­wymi polemi kaž tež jednym wolejbu­lowym hrajnišćom skići tak trěb­ne­ wuměnjenja za wšědny trening. Runje nalěto a nazymu njeběchu wumě­njenja ze swěcu na trawniku při bróžni runjewon dobre.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND