65. róčnica poswjećenja pomnika Michała Hórnika we Worklecach

pjatk, 11. junija 2021
artikl hódnoćić
(0 )

Před 65 lětami, dokładnje 10. smažnika 1956, poswjećichu we Worklecach pomnik našemu sławnemu wótčincej Michałej Hórnikej. Tón dźeń njedźelu, zeńdźechu so w dešću sta Serbow ­a črjódka Němcow k swjatočnosći.

Swjedźensku narěč dźeržeštaj kapłan Jurij Herman-Chróšćanski a Jurij Žur-Ralbičanski. Poswjećenje wobohaći župny chór pod nawodnistwom knjeza wučerja Jana Krala. Hižo wjacore lěta běše so župa „Michał Hórnik“ na tutón dźeń hotowała. Njebě dźě lochko za pomnik přijomne městno namakać, byrnjež wjacore instancy wo tym rozmyslowali a rěčeli. W přitomnosći znateho serbskeho wuměłca Měrćina Nowaka-Njechorńskeho rozsudźichu so něhdźe lěto do toho za přijomne a kmane městno w ródnej wsy Michała Hórnika we Worklecach.

Hórnikowy pomnik steji na rjanym čistym zelenym blečku na wječornej stronje wsy, kotrehož podobiznu bě zhotowił Drježdźanski čłon Koła serbskich tworjacych wuměłcow Konrad Zenda.

wozjewjene w: Předźenak

Galerija

dalši wobraz (1) Před 65 lětami bu we Worklecach pomnik Michała Hórnika poswjećeny. Narěč měješe tehdy mjez druhim Jurij Žur-Ralbičanski (naprawo). Předewšěm w nazymskej pyše, tule w lěće 2020, pomnik wosebje skutkuje (nalěwo). Foto: z archiwa dr. Bena Wałdy
Prošu přizjewće so, chceće-li komentar podać

Serbska debata

nowostki LND