Pop-opera na slědach „měznikow serbskich hudźbnych stawiznow“
Budyšin (SN/bn). Něhdźe tři měsacy maja sobuskutkowacy wotnětka chwile, serbsku pop-operu „Carpe noctem – Njeskónčna nóc“ nazwučować. Inscenacija je zhromadny projekt hudźbneho kolektiwa Trio a kumple kaž tež młodźinskeho towarstwa Pawk (Serbske Nowiny rozprawjachu). Po premjerje 10. septembra w Chróšćanskej wjacezaměrowej hali „Jednota“ slěduja tam tři dalše předstajenja, jedne z nich ryzy za šulerjow.