Hrajne zjednoćenstwo Pančicy-Worklecy rozpušćene

wutora, 22. junija 2021
artikl hódnoćić
(0 )
Wolejbulistki Sportoweho towarstwa Marijina hwězda a Viktorije Worklecy zjednoćichu so w lěće 2018 k Hrajnemu zjednoćenstwu Pančicy-Worklecy. Nětko wone zhromadnje dale hraja, ale jenož hišće pod třěchu Viktorije Worklecy.  Foto: Jörg Stephan Wolejbulistki Sportoweho towarstwa Marijina hwězda a Viktorije Worklecy zjednoćichu so w lěće 2018 k Hrajnemu zjednoćenstwu Pančicy-Worklecy. Nětko wone zhromadnje dale hraja, ale jenož hišće pod třěchu Viktorije Worklecy. Foto: Jörg Stephan

Hrajne zjednoćenstwa nastawaja, hdyž jednotliwe mustwa dosć personala nima­ja. Tež pola Pančičanskich a Worklečanskich wolejbulistkow to před třomi­/štyrjomi lětami tak bě, a tak wustu­powachu wone tři sezony jako hrajne zjednoćenstwo. Nětko pak je wone­ rozpušćene. Wo tym sportowa redak­cija Serbskich Nowin hižo rozprawješe. Jurij Bjeńš je hišće někotre dalše informacije zezběrał.

Štož běchu 2018 załožili, so lětsa zaso skónči. Žónske wolejbulowe zjednoćenstwo ST Marijineje hwězdy a Viktorije Worklecy nastupi w nowej hrajnej dobje jenož hišće jako Viktoria Worklecy a Viktoria Worklecy II. Wobě mustwje budźetej w samsnej stafli hrać. Z kelko cyłkami budźe wona scyła nastajena, dotal hišće jasne njeje. Žro hrajerkow něhdyšeho hrajneho zjednoćenstwa pak wostanje, kaž nam Tereza Wićazowa přeradźi: „Nimale wšitke hrajerki su pola nas wostali a nimo toho přińdu hišće někotre wolejbulistki ze swójskeho dorosta. To změjemy rjanu měšeńcu.“

wozjewjene w: Sport

Galerija

dalši wobraz (1) W saněrowanej Worklečanskej sportowej hali maja wolejbulistki a wolejbulisća wo wjele lěpše wuměnjenja hač w Pančičansko-Kukowskej hali.
Prošu přizjewće so, chceće-li komentar podać

Serbska debata

nowostki LND