Schrift vergrößern
Reprezentatiwna fasada noweho Serbskeho domu na Budyskim Póstowym naměsće, kaž jón dźensa znajemy Foto a reprodukcije: z archiwa Alfonsa Wićaza (7)
To bě Serbam wosebity a dołho wočakowany wulki swjedźeń: oficialne přepodaće noweho Serbskeho domu na Budyskim Póstowym naměsće. We wobłuku 2. zjězda Serbow dnja 8. julija 1956 su jeho durje za přichodne towaršliwe zetkanje a za pěstowanje serbskeje rěče a kultury wotewrěli. Na tónle wokomik čakachu Serbja po cyłej Łužicy a z nimi tež mnozy Němcy, česćowacy sej zhromadnosć a bikulturnosć w Hornjej kaž Delnjej Łužicy.
Napohlad na prěni Serbski dom w Budyšinje, kiž steješe při Lawskich hrjebjach. Impozantny twar bu w Druhej swětowej wójnje dospołnje zničeny a njebu na tym městnje hižo znowa natwarjeny.
Dalša twarska rysowanka z napohladom fasady za nowy Budyski Serbski dom a ze stron Pchalekoweje dróhi wot twarskeho mištra Hausera
Do swojeje twarskeje rysowanki za nowy Budyski Serbski dom je J. Georg Hauser tež dwór z konjencami zapřijał.
