Festiwal šesćiměstow „Přińć a woteńć“ z wjacorymi kulturnymi ćežišćemi

Žitawa/Zhorjelc (SN/CoR). Štwórty festiwal šesćiměstow „Přińć a woteńć“ wot 12. do 22. awgusta wěnuje so lětsa wo­­sebitemu jubilejej, a to z přidatnym zarja­dowanskim rjadom „Hornjołužiske perspektiwy na 1 700 lět židowskeho žiwje­nja“. W tym wobłuku je pod kmó­­třistwom społnomócnjeneho sakskeho knježerstwa za židowske žiwjenje dr. Tho­masa Feista wot 1. awgusta do 21. nowembra w Žitawje, Zhorjelcu, Kamjencu, Lubiju, Wodowych Hendrichecach, Großschönauwje, Kralowskim Haju, Ochra­nowje a Wósporku w kooperaciji z Lu­banjom a Liberecom dohromady 46 zarjadowanjow planowanych. Podpěru 360 000 eurow su dóstali z 15 wšelakich spěchowanskich horncow.