Razne mjezsobne wumjetowanja noweho pólskeho zakonja dla
Waršawa (dpa/SN). Diplomatiska zwada mjez Israelom a Pólskej změny pólskeho zakonja wo zalětnenju dla so dale přiwótřa. Israelski wonkowny minister Jair Lapid je Waršawske knježerstwo minjeny kónc tydźenja „antidemokratiske“ mjenował. „Dny su nimo, jako móžeše Pólska židam bjez konsekwencow zeškodźeć“, rěka w jeho stejišću. Israel nima wotpohlad „woči před wohańbjacym zadźerženjom antidemokratiskeho pólskeho knježerstwa zawrěć“.
