Berlin (dpa/SN). Norbert Walter-Borjans je připowědźił, zo jako předsyda SPD wotstupi. Na zjězdźe strony w decembru njebudźe znowa za tute zastojnstwo kandidować, rěčnica SPD dźensa w Berlinje zdźěli. 69lětny je po informacijach sćelaka WDR stronske gremije wo swojej kročeli informował. Walter-Borjans bě SPD wot lěta 2019 zhromadnje ze Saskiu Esken nawjedował. Nowinarjam wón rjekny, zo woteńdźe z „dobrym začućom, zo je stronu dwě lěće nawjedować směł“.
Mortweho ćěkanca našli
Zhorjelc (SN). Policija je dźensa rano njedaloko awtodróhi A 4 pola Schöpstala něhdźe 30 ćěkancow našła, kotrychž běchu přez mjezu Pólskeje do Němskeje přiwjezli. Jako policija po pokiwje swědkow k městnu dojědźe, něhdźe 30 wosobow z transportera wulěze. Šofer jězdźidła bě ćeknył. Při tym zwěsćichu musku wosobu, kotraž njebě wjace žiwa. Lěkar smjerć muža wobkrući, kotrehož identitu njeznaja. Nětko chcedźa wobstejnosće smjerće wuslědźić a šofera awta namakać.
Žada sej efektiwne wotmołwy