Dalše ničenje lěsow skónčić

wutora, 02. nowembera 2021
artikl hódnoćić
(0 )

Swětowa klimowa konferenca w Glasgowje z doraznymi namołwami

Glasgow (dpa/SN). Po wčerawšich doraznych namołwach nastupajo škit klimy su so statni a knježerstwowi šefojo mnohich krajow dźensa w šotiskim Glasgowje k dalšim wuradźowanjam zešli. Předstajić chcychu iniciatiwu sto statow, z kotrejž ma so hač do lěta 2030 ničenje lěsow a druhich přirodnych krajinow skónčić. Mjez wobdźělenymi krajemi su Němska, wšitke kraje EU, ale tež kraje z najwjetšimi lěsnymi płoninami kaž Kanada, Ruska, Brazilska a China. Za předewzaće chcedźa hač do lěta 2025 dwanaće miliardow eurow nałožować.

Lěsy mjenuja tež płuca zemje, dokelž wone wot čłowjeka zawinowany wuhlikowy dioksid składuja. Płonina lěsow pak drastisce woteběra. Po wobličenju fachowcow zniči so kóždu mjeńšinu płonina 27 koparskich hrajnišćow.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND