Drježdźany (dpa/SN). Połoženje korony dla w Sakskej so dale přiwótřa. Z tydźenskej incidencu 754,3 ma swobodny stat wjace hač dwójce telko infekcijow kaž w cyłoněmskim přerězku. Wokrjesy Sakska Šwica- Wuchodne Rudne horiny z incidencu 1 303,1, Budyšin (1 197,3) a Mišno (1 176,5) słušeja k najbóle potrjechenym cyłeje Němskeje. Dźensa so tuž sakski kabinet w Drježdźanach schadźuje, zo by wo dalšim postupowanju wuradźował. Předewšěm dźe wo to, kontakty wobmjezować.