Schrift vergrößern
Wurězk z přichodneho poskitka pokazuje na zaměr wobchodnicy (nalěwo). Tójšto prócy je swójba Eriki Maywaldoweje nałožowała, nutřkowny raz historiskeho twarjenja na kóždy pad zachować.Jan Kral
W Šunowje běža poslednje dźěła w małej tykowanej chěžce, w kotrejž tuchwilu hišće testy na koronu přewjedu. W měrcu chce tam Erika Maywaldowa wotewrić swój serbski narodny róžk. To je jeje wulke předewzaće a ma być zdobom wjeršk a wupjelnjenje jeje naročneho a wotměnjaceho žiwjenja.
Hišće njeskedźbnja ničo na wobchod. Bórze pak budźe jón pyšić wonkowny napis. Tykowany twar wotpowěduje předstawam wobchodnicy a jeje narokej.
