19. Nysowy filmowy festiwal přichodnu wutoru zahaja

Wulke Hendrichecy (SN/CoR). Solidarnje z wot wójny potrjechenymi ludźimi sadźi 19. Nysowy filmowy festiwal (NFF), wotměwacy so wot 17. do 22. meje, w programje z filmom, hudźbu a wustajeńcu ukrainske akcenty. Za ćěkancow je zastup k wšitkim zarjadowanjam darmotny. Na šěsć dnjach předstajeja w 20 hrajnišćach w třikrajowym róžku něhdźe 90 hrajnych, dokumentarnych a krótkofilmow w třoch wubědźowanjach, wšelakorych rjadach. Čitanje, koncerty a wustajeńcy festiwal skulojća.