Tradicionalna słowakska parta w modernych mólbach

pjatk, 13. meje 2022
artikl hódnoćić
(0 )
Fotograf Ľubomír Sabo a jeho mandźelska-etnologowka Katarína Sabova (prědku) njejstaj jenož hromadźe z fotografowku Zuzanu Sénášiovu ideju k projektej „Party w 21. lětstotku“ wuwiwałoj, ale staj so tež w tradicionalnej drasće wsy Hrušov woženiłoj. Katarina bě zdobom prěni model projekta.  Foto: SN/Hanka Šěnec Fotograf Ľubomír Sabo a jeho mandźelska-etnologowka Katarína Sabova (prědku) njejstaj jenož hromadźe z fotografowku Zuzanu Sénášiovu ideju k projektej „Party w 21. lětstotku“ wuwiwałoj, ale staj so tež w tradicionalnej drasće wsy Hrušov woženiłoj. Katarina bě zdobom prěni model projekta. Foto: SN/Hanka Šěnec
Budyšin (SN/CoR). Wjace hač 700 000 ludźi na 45 městnach po cyłym swěće, mjez druhim w Pekingu, New Yorku ­a Istanbulu, je sej wustajeńcu „Party w 21. lětstotku“ hižo wobhladało, wot njedźele je wona w Budyskim Serbskim muzeju přistupna. Parta je jako swjedźenska pycha za hłowu wobstatk słowakskeje drasty, wosebje njewjesćin­skeje. Ideju, w minjenych lětdźesatkach zwjetša zabytu tradicionelnu drastu wožiwić, ju z načasnymi elementami kaž pomolowanjom mjezwoča zwjazać a jako modernu mólbu předstajić, zrodźištaj fotograf Ľubomír Sabo a jeho mandźelska-etnologowka Katarína Sabová na folklornym festivalu „Hontianska Parada“ w Hrušovje 2015. Štož započa so „při winje a hudźbje“ wuwiwaše so k wulkemu projektej. Katarína Sabová poda so ze slědźenskim teamom 20 etnologow do regionow, zo by wědu wo najwšelakorišich drastach a partach zběrała. „50 lět njeje so nichtón za to zajimował, njeeksistowaše ani karta ani publikacija wo nich. Smy pioněrojo byli“, wona rozłoži. Jej a mandźelskemu pak njeńdźeše jenož wo historiju, ale chcyštaj tež zajim młodych ludźi za pokłady słowakskich stawiznow zbudźić.
wozjewjene w: Kultura
Prošu přizjewće so, chceće-li komentar podać

nawěšk

nowostki LND