Institut za sorabistiku swjeći 70. lět wobstaća
Lipsk (SN/CoR). 70. róčnicu swojeho załoženja je Lipšćanski Institut za sorabistiku pjatk a sobotu z mjezynarodnej wědomostnej konferencu woswjećił. Witajo hosći z tu- a wukraja wuzběhny direktor instituta prof. dr. Edward Wornar dołhu tradiciju sorabistiki na Lipšćanskej uniwersiće, kotraž hač k serbskemu prědarskemu towarstwu 1716 wróćo saha a ze załoženjom instituta 1951 z třomi profesurami nowy zakład dósta.
