W meji je so pola powołanskeho wow­čerja Gerata Šmita zaso tójšto jehnjatkow narodźiło. Cyłkownje ma wón něhdźe 480 wowcow. Wězo njejsu

wšitke w jednym stadle, ale do wjacorych rozrjadowane. Potom wón na to dźiwa, zo so zwěrjata derje hromadźe hodźa. Borany na přikład njeměli pola maćernych zwěrjatow

być. Za Gerata Šmita pak woznamjenja to wjele dźěła, wšako dyrbi wón wšitke zwěrjata wšědnje zastarać a je wobkedźbować, tak zo móže spóznać, hač so skoćatam derje dźe. Dale dyrbi wón škitne płoty natwarić. Cyłkownje ma wón jich 105. Hakle do jutrow je wowčer zhromadnje z pilnymi pomocnikami swojim wowcam wołmu třihał, tak zo njeje jim w nalěću a lěću přećopło. Hač do nazymy je wołma potom zaso dosć dołha. Měchi połne wowčeje wołmy Gerat Šmit předa, hdźež wikowarjo je za předźěłanje poskića. Jehnjatko wšak słuša tradicionalnje k jutram a je symbol za Jězusa,

kotryž bu njewinowaty woprowany. Swětła wołma je znamjo