Publikum je swojemu dźiwadłu swěrny a we wulkej ličbje přichadźa
Budyšin (SN/MiR). Na kóždy pad napjata, bjezdwěla k rozmyslowanju pohnuwaca, nic přeco k smjeću, a tola jara zabawna běše premjera lětušeho lěćneho dźiwadła. Na Budyskim hrodźe běchu wčera wječor při najrjeńšim wjedrje nimale wšitke městna wobsadźene, jako Sherlock Holmes w sprjewinym měsće za dźiwim skoćećom – bestiju – honješe.
