Schrift vergrößern
Serbski dźěćacy ansambl Slepo předstaji w njedźelnym swjedźenskim ćahu, kotryž sej nimoměry wjele ludźi na kromje dróhi po Slepom wobhlada, znatu bantowu reju. Janek Wowčer (4), SN/Hanka Šěnec (3), Joachim Rjela (2)
Wuběrnje zorganizowany swjedźenski kónc tydźenja su hosćo a domoródni minjeny kónc tydźenja w Slepom dožiwili. Tam swjećachu nimo 9. mjezynarodneho festiwala dudakow zdobom róčnicu 750lětneho wobstaća serbskeje wsy. Zhromadna próca towarstwow wunjese tójšto zajimaweho a wotměnjaweho, štož pola wopytowarjow swjatka připóznaće a chwalbu wuwabi.
Jedyn z wjerškow běchu swjedźenske kemše w Slepjanskej cyrkwi, kotrež wobrubi Slepjanski folklorny ansambl zhromadnje z pozawnistami tamnišeje wosady.
Na zdraví, lubi přećeljo z Čěskeje! Jedne słódne, chłódne a čerstwje točene piwo su sej čłonojo Chodský soubor Mrákov najebać horcotu popřeli.
Frank Hermaš na trompeće a Michał Janca na akordeonje (wotlěwa) staj runje tak k poradźenju kónc tydźenskeho swjatka w Slepom přinošowałoj, kaž mnozy dalši.
